Zabrus  (balın gaymağı)  nədir?

Zabrus – adi mumdur, amma bu mumu arılar hazırlayır. Arı mumu bal dolu şanıların üzərini örtmək üçündür. Yəni o, bal şanısı üçün qapaq və ya örtük funksiyasını yerinə yetirir.

Arıçıların dilində zabrus, həmçinin, “möhürcük” də adlanır.

Zabrusun insan orqanizmi üçün faydası

Zabrus bir çox xəstəliklərin müalicəsinə kömək edən vasitədir. Bu mumun faydalı cəhətləri, onun tərkibinə daxil olan maddələrin xüsusiyyətləri ilə şərtlənir. Zabrus bioloji aktiv maddələrin ecazkar toplusundan ibarətdir. Bu maddələr aşağıdakılardır:

·      propolis;

·      tozcuq;

·      çiçək tozu;

·      bal;

·      arıların tüpürcək vəzilərinin ifrazatı.

Müalicəvi təsirə malik bütün bu maddələr bir-birini tamamlayır. Qeyd etmək lazımdır ki, zabrusun allergik fəallığı aşağıdır – o, iltihab əleyhinə və antiseptik təsirə malikdir. Bundan əlavə, zabrus allergiyanı müalicə edir. Bu xoşagəlməz xəstəlik zəif cərəyan etdikdə ilk 2 gün ərzində, gündə 5 dəfə arı mumu çeynəmək lazımdır. 2 gündən sonra bu doza bir qədər azaldılır. Zabrus gündə 3 dəfə, bir xörək qaşığı həcmində qəbul edilir. Bu tədbirlər gözyaşarmanın, boğaz iltihabının və allergiya rinitinin aradan qaldırılmasına kömək edir. 

Zabrus uzun müddət istifadə edildikdə də aludəçilik yaranmır. Bu, onu kimyəvi tərkibli preparatlardan fərqləndirir. Zabrus aşağıdakı xəstəliklərin müalicəsində istifadə olunur:

·      artrit;

·      dayaq-hərəkət aparatının xəstəlikləri;

·      osteomielit.

Bundan əlavə, zabrus aşağıdakı faydalı xüsusiyyətlərə malikdir:

·      ağız boşluğunu dezinfeksiya edir;

·      tüpürcək ifrazatını gücləndirir və həzm sisteminin işini yaxşılaşdırır;

·      disbakterioz hallarında bağırsaqların mikroflorasının fəaliyyətini normaya salır;

·      maddələr mübadiləsini aktivləşdirir;

·      immuniteti artırır, soyuqdəymə və virus xəstəliklərinə davamlılığı artırır.

Rinit, qaymorit, rinit, eləcə də kəskin reseptor xəstəliklər və kəskin reseptor virusa yoluxma hallarında hər saatdan bir, 10 dəqiqə müddətində arı mumu çeynəmək lazımdır. Xəstəlik sağaldıqdan sonra 3 gün fasilə vermək, daha sonra isə müalicəvi təsirin qorunub saxlanması üçün 5 gün müddətində, gündə 1 dəfə arı mumu çeynəmək tövsiyyə olunur.