Şabalıd balı.

Geniş çeşidli bal növləri arasında şabalıd balı ən faydalı bal növlərindən biri hesab olunur. Şabalıd balı təkrarolunmaz ətri, kəskin dadı, cüzi acılığı və tünd-qəhvəyi rəngi ilə digər növlərdən fərqlənir. Bu məhsulun rəng çaları nə qədər tünddürsə, onun ətri də bir o qədər aydın hiss olunur.

Şabalıd balı kifayət qədər uzun müddət – 3 ilədək xarlanmamış qala bilər.

Şabalıd balının insan orqanizmi üçün faydası.

1. Qan dövranı sistemi. Şabalıd balından ürək-damar xəstəliklərinin müalicəsi və profilaktikası üçün istifadə etmək tövsiyyə olunur – bu bal bir ay qəbul edildikdə ürək-damar sistemi möhkəm və elastik olur, ürəyin işi və arterial təzyiq normaya düşür, ateroskleroz aradan qalxır.
2. Şabalıd balı xəşəmbul və cökə ilə eyni səviyyədə ən bakterisid bal hesab olunur. Bununla əlaqədar olaraq, şabalıd balından yaraların, o cümlədən irinli yaraların, yanıqların, eləcə də soyuqdəymə və zökəmin müalicəsində istifadə edilir.    
3. Şabalıd balı əsəb pozğunluqları və yuxusuzluq zamanı da faydalıdır. O, həm daxilə qəbul edilir, həm də bir neçə prosedurdan ibarət bal vannaları hazırlanaraq müalicə kursu keçilir.   
4. Şabalıd balı «kişi cinsli» bal hesab olunur. Bu, onun dadı və müalicəvi xüsusiyyətləri ilə bağlıdır. Belə ki, bu növ bal prostatit xəstəliyinin müalicəsində və profilaktikasında istifadə edilir.  
5. Həmçinin, bu bal öd axarını stimullaşdırır və qaraciyərdə durğunluq halları və ya digər problemlər müşahidə olunduqda istifadə edilir.
6. Şabalıd balının turşuluq səviyyəsi aşağıdır və o, mədənin selikli qişasını qıcıqlandırmır. Mədə-bağırsaq xorasının müalicəsində istifadə olunur.
7. Şabalıd balı asanlıqla həzm olunur. O, ümumi möhkəmləndirici xüsusiyyətə malik olmaqla, iştahı artırır və asan həzm olunan, mükəmməl enerji mənbəyi hesab edilir.
8. Şabalıd balının təkibi manqan, dəmir, mis, fruktoza və müxtəlif vitaminlərlə zəngindir. O, tənəffüs yolları xəstəliklərində istifadə olunur, iltihab və şişləri aradan qaldırır.  
9. Sidik-tənasül sistemində iltihabi proseslərin aradan qaldırılmasına kömək edir. Varikoz damar genişlənməsi, tromboflebit kimi xəstəliklərin müalicəsində istifadə olunur.
10. Bu balın tərkibində çiçək tozunun miqdarı çox deyil, buna görə də uşaqların və allergiya xəstəliyindən əziyyət çəkən şəxslərin qidasına da müəyyən miqdarda qatıla bilər. Onkoloji xəstəliklərin profilaktikasında istifadə edilir.
11. Şabalıd balı kulinariyada da geniş tətbiq olunur. Məsələn, həddən artıq şirin yeməyi sevməyənlər bu baldan həvəslə istifadə edir. Şabalıd balı yeməyin dadını zənginləşdirə və yaxşılaşdıra, ona gözəl ətir verə bilər. O, qarabaşaq, düyü, yulaf və s. sıyıq növlərinə qatılır. Yarmalara qatıldıqda o, yeməyi dadlı etməklə bərabər, faydalı xüsusiyyətlərini də artırır. Şabalıd balı müxtəlif kremli desertlərin, yoqurtların, dondurmaların, şirniyyatların, salatların və mussların hazırlanmasında da istifadə olunur. 
    
    

Gündəlik norma 60-100 qr miqdarında, bir neçə dəfə qəbul etmək tövsiyyə olunur. Uşaqlar üçün bu göstərici 2 dəfə azaldılır.